२०२६ पौष १७, बिहिबार
प्रसिद्ध भारतीय अभिनेता धर्मेन्द्रको निधन भएको छ। भारतीय समाचार एजेन्सी का अनुसार, ८९ वर्षीय धर्मेन्द्रले आइतबार (नवम्बर २४) दिउँसो करिब १ बजेतिर आफ्नै निवासमै अन्तिम सांस लिए।
पहिले नै, नोभेम्बर ११ मा उनको निधन भएको अफवाह फैलिएको थियो, तर उनकी पत्नी हेमा मालिनी र छोरी इशा डिओलले त्यसलाई गलत समाचार भएको भन्दै स्पष्ट पारेका थिए। धर्मेन्द्रलाई नोभेम्बर १० मा ब्रीच क्याण्डी अस्पतालमा भर्ना गरिएको थियो र दुई दिन भेन्टिलेटरमा रहिसकेपछि १२ नोभेम्बरमा डिस्चार्ज गरिएको थियो।
धर्मेन्द्रको निधनको समाचार आएपछि बलिउडका धेरै जाने माने कलाकारहरू अन्तिम श्रद्धांजलि दिन उनका अन्त्येष्टि स्थल पुगेका छन्। अमिताभ बच्चन र उनका छोरा अभिषेक बच्चन समेत उपस्थित थिए।
फिल्म निर्देशक करण जोहरले पनि धर्मेन्द्रको निधनलाई सोशल मिडिया मार्फत पुष्टि गर्दै उनलाई श्रद्धाञ्जली अर्पण गरेका छन्।
धर्मेन्द्र बलिउडका एक प्रतिष्ठित अभिनेता थिए, जसले आफ्नो लामो करियरमा दर्जनौं सफल चलचित्रहरू दिएका थिए र भारतीय सिनेमाको लागि उनले अमूल्य योगदान दिएका छन्। उनी आफ्नो सरलता, करिश्मा र अभिनय क्षमताको लागि जनप्रिय थिए, र उनको निधनले फिल्म उद्योग मात्र होइन, उनका प्रशंसकहरूमा पनि अपूरणीय क्षति पुर्याएको महसुस भइरहेको छ।
