२०२६ पौष १७, बिहिबार
ज्ञानेन्द्र थापा बेलौरी : पुनर्वासमा धानमा थ्रेसर लगाउने क्रममा थ्रेसरको पट्टामा कपाल बेरिदा एक महिला गम्भीर घाइते भएकी छन् ।
शनिबार बिहान पुनर्वास नगरपालिका वडा नम्बर ५ ग गाउँमा आफ्नै घरमा थ्रेसर लगाउने क्रममा पट्टामा कपाल बेरिदा अन्दाजी ४५ वर्षीय भगवती थापा गम्भीर घाइते भएकी हुन् ।
गम्भीर घाइते थापाको टाउकोको कपाल सहितको माथिल्लो भाग भुइँमा झरेको स्थानीयले बताएका छन् ।
घाइते थापालाई तत्कालै धनगढी स्थित माया मेट्रो अस्पतालमा उपचारका लागि लगिए पनि अवस्था गम्भीर रहेको भन्दै भारतको लखनउ रिफर गरिएको इलाका प्रहरी कार्यालय त्रिभुवन बस्तीले जनाएको छ ।
