दर्ता नंः अपडेट हुदैछ... प्रवन्ध निर्देशक: ज्ञानेन्द्र थापा सम्पादक: दिपक थापा कार्यालय: बेलौरी न.पा १ मटैया, कञ्चनपुर,नेपाल टेलिफोन: +9779843430335 ईमेल ठेगाना: belauriexpress@gmail.com
श्रीमानले लगे श्रीमतीको ज्यान
कञ्चनपुरमा श्रीमानको कुटपिटबाट श्रीमतीको गयो ज्यान
हेल्लो बेलौरी
२०८३ असार ३२, बिहीबार ११:५७ गते
ज्ञानेन्द्र थापा बेलौरी: कञ्चनपुरमा श्रीमानको कुटपिटबाट श्रीमतीको मृत्यु भएको छ। दोधाराचाँदनी नगरपालिका–१० की ४२ वर्षीया पारु सुनारको ४५ वर्षीय श्रीमान रणबहादुर सुनारको कुटपिटबाट मृत्यु भएको हो।
जिल्ला प्रहरी कार्यालय कञ्चनपुरका डीएसपी टेकबहादुर रावतका अनुसार बुधबार दिउँसो श्रीमान–श्रीमतीबीच विवाद भएपछि कुटपिट भएको थियो। कुटपिटबाट घाइते भएकी पारुको बिहीबार मृत्यु भएको खबर प्राप्त भएको उनले बताए।
‘हिजो आपसमा कुटाकुट भएको रहेछ। दोधाराचाँदनी नगर अस्पतालमा उपचारका लागि पनि लगेका रहेछन्,’ डीएसपी रावतले भने, ‘आज मृत्यु भएको खबर आएको छ। घटनास्थलमा प्रहरी पुगेको छ। घटनाको थप विवरण आउन बाँकी छ।’
प्रहरीले कुटपिटमा संलग्न रणबहादुरलाई नियन्त्रणमा लिएको छ। स्थानीयका अनुसार पारुलाई उपचारका लागि अस्पताल लगिए पनि उपचार नै नगरी बुधबार नै घर ल्याइएको थियो। सुनार दम्पतीबीच विगतदेखि नै पटक-पटक झगडा हुँदै आएको स्थानीयले बताएका छन्। प्रहरीले घटनाबारे थप अनुसन्धान गरिरहेको छ।
