यदि हामी खुसी हुन चाहन्छौ भने मनभित्रको बिकार त्याग्नुपर्छ । नकारात्मक धारणा त्याग्नुपर्छ । रिस, राग, इष्र्या, लोभ त्याग्नुपर्छ । जीवनमा कहिले दुख हुन्छ, कहिले सुख । न सधै सुख हामीसँग रहन्छ, न दुख नै । त्यसैले जीवनमा आइपर्ने दुखलाई कसरी सामना गर्ने भन्ने कुरा सिक्नुपर्छ ।
खासमा खुसी भन्ने कुरा भौतिक कुराबाट प्राप्त हुने होइन । यद्यपी त्यो खुसीको माध्याम भने बन्न सक्छ । जब मानसिक विकार हटाएर सकारात्मक सोंच, धारणाको विकास हुन्छ, खुसी आफै प्राप्त हुन्छ । अतः सुखी जीवनको लागि आफ्नो जीवनशैली पनि परिवर्तन गर्नुपर्छ । स्वस्थ्य र सन्तुलित जीवनशैलीले हामीलाई दुखी हुने अवस्थामा पुर्याउँदैन ।
खुसी हुने केही टिप्स :
– आफुले उपलब्धी गरेको सफलतालाई स्मरण गर्नुहोस् । जीवनको कुन कुन क्षणमा, कसरी सफलता मिलेको थियो, मन्थन गर्नुहोस् ।
– बाल्यकालको फोटो, खेलौना, लुगाफाटो हेर्नुहोस् ।
– एकदमै मन मिल्ने साथीलाई बोलाएर विगतमा भोगेका रमाइला क्षणहरुको चर्चा गर्नुहोस् ।
– बाल्यकालमा तपाईलाई जे कुराले खुसी तुल्याउँथ्यो, त्यही चिजलाई फेरी दोहोर्याउनुहोस् । जस्तो कि, खेलौनाहरु सजाउने, फनी भिडियो हेर्न, पेन्टिङ गर्ने, मन परेको सामग्रीहरु संग्रह गर्ने आदि ।
– किशोरवयमा आफ्लाई असाध्यै मन परेको गीत सुन्नुहोस्, पहिरन लगाउनुहोस्, भिडियो हेर्नुहोस् ।
– विद्यालय/क्याम्पसको बेला खिचिएको फोटोको एल्बम निकालेर हेर्नुहोस् ।
– पर्व, उत्सव, पारिवारिक जमघटलाई कसरी रमाइलो बनाउने भनेर घोत्लिनुहोस् ।
– राम्रो गीत बजाएर मस्त नाच्नुहोस् ।
– मीठो गीत सुन्दै रमाइलो पुस्तक पढ्नुहोस्, जीवन खुशी र सुखि बन्नेछ ।
