नेपालगन्ज : महिलाहरुकाे महान पर्व तिज यस बर्ष भव्य र सभ्य रूपमा मनाएका छन । बाँकेमा सबै ठाउँमा झै भेरी अस्पताल क्षेत्रमा पनि तिज भव्य मनाइएको छ ।
अस्पतालमा कार्यरत महिला दिदिवहिनि सङ्गै अस्पतालकाे आवास क्षेत्रमा बसाेबास गर्ने महिला दिदिवहिनिले तिज पर्व मनाउँदै आपसी भेटघाट र सदभाव बाँडेका छन ।
तीज हिन्दू नारीहरूले मनाउने महत्त्वपूर्ण चाड हो । तीजमा भगवान शिवको आराधना गरिनुका साथै नाचगान मनोरञ्जन समेत गर्ने र दर खाने परम्परा अनुसार पर्व मनाइएको भेरी अस्पतालकम प्रमुख नर्सिङ प्रशासक दुर्गालक्षमी श्रेष्ठ बताउछिन ।
नेपाली हिन्दू महिलाहरूद्वारा स्वतन्त्र र आनन्दमय रूपमा मनाइने तीज यतिबेला अन्य धर्म र जातजातिका नेपाली महिलाहरूले पनि हर्षोल्लासका साथ मनाउन थालेका छन् ।
आद्य शक्ति भगवान शिवकी अर्धाङ्गीनी हिमालय पुत्री पार्वतीले भगवान शिवको स्वास्थ्य तथा शरीरमा कुनै वाधा उत्पन्न नहोस् भनेर पहिलो बर्त राखेकी थिइन् त्यो दिन यही हरितालिका तीजको दिन थियो। त्यसै दिनदेखि आजसम्म हिन्दू नारीहरूले यो पर्व मनाउदै आएका छन् भन्ने विश्वास गरिएकाे छ ।
