नेपालगन्ज : बाँकेकाे नेपालगन्ज र काेहलपुरमा कराेड लागतमा सन्चालित निजि मेडिकल र अस्पताल मापदण्ड विपरीत देखिएका छन ।
कसैले नविकरण गरेका छैनन त कसैले स्वास्थ्य मन्त्रालयले ताेकेकाे मापदण्ड पूरा गरेका छैन । तर, जिल्ला अनुगमन समिति र जनस्वास्थ्य कार्यालय भने सामान्य अनुगमन गर्न समेत उदासीन छ ।
जिल्ला स्तरीय अनुगमन टोलीले निजी मेडिकलहरूमा गैरजिम्मेवार र मापदण्ड विपरीतको सेवा प्रभाव गर्ने गरेको भेटिए पनि कानुनी कारवाहि गर्न सकेकाे छैन ।
त्यस्ता मेडिकललाई हरेक पटकको अनुगमनमा सचेत गराए पनि कारबाही हुन नसक्दा सुधार हुन सकेको छैनन् । विभिन्न ठाउँमा सञ्चालनमा रहेका मेडिकलहरूको अनुगमन गर्दा मापदण्ड विपरीतका मेडिकल सञ्चालनमा रहेको पाइएको जनस्वास्थ्य कार्यालयका अधिकारी नरेश श्रेष्ठ बताउँछन् ।
ल्याब कक्ष व्यवस्थित नभएको, सरसफाइको अभाव, अनुमति नलिएर आयुर्वेदिक तथा फुड सप्लिमेट्री सामानहरू बेच्ने गरेको, फार्मेसीतर्फ दक्ष जनशक्ति नराखिएको देखिएको छ ।
तापक्रम अनुपात नमिलाई खोप राखेको, मेडिकल नवीकरण नगरिएको, कस्मेटिक सामग्री विक्री, अव्यवस्थित रूपमा एक्स-रे सेवा सञ्चालनमा रहेका छन ।
