नेपालगन्ज : बाँकेकाे राप्ती नदि किनारमा बनाउने भनिएको बैकुण्ठ धाम ( शवदाहगृह) का लागि चलेकाे अभियान नै अस्तव्यस्त देखिएको छ । यसका लागि आबश्यक जग्गा प्रााप्तिबिनै भाैकाल मच्चाईएकाे खुलेकाेे छ ।
पुर्वाधार निर्माणका लागि आबश्यक जग्गा र त्यसकाे पुर्जा अहिले पनि बैकुण्ठधाम निर्माण समितिसंग नभएको र जग्गाकाे बिषयमा कसैगंग पनि सम्झौता नभएको खुलेकाे छ ।
सामान्य पुर्वाधार बिनै सस्ताे लाेकप्रियताका लागि केही व्यक्तिले शवदाहगृह निर्माणकाे भाैकल मच्चाएकाे यतिवेला लगभग छताछुल्ल भैसकेकाे छ ।
केही दिनअघि नेपालगन्जकाे एक मिडियामा बैकुण्ठ धामका अध्यक्ष भनिएका डाक्टर सुरेश कनाैडियाकाे अन्तर्वार्ताले पनि बैकुण्ठ धाम समिति अस्तव्यस्त रहेकाे स्पष्ट पारेकाे छ ।
राप्ती किनारमा डुडुवा गाउँपालिकाले ५० लाख लागतमा शबदाहगृह बनाइसकेकाे छ । त्यहि अर्को शबदाहगृह आबश्यक नभएको पालिका बताउँछ । स्थानीय नागरिक जग्गा दिन तयार छैनन ।
यदि जग्गा भएन भने कहाँ कसरी बन्छ बैकुण्ठधाम ? पहिला जग्गा जाेहाे गरेर यात्रा अघि बढाउने कि ? यसतर्फ ध्यान जान जरुरि देखिएकाे छ ।
अध्यक्ष कनाैडियाका अनुसार पनि अहिले केही जग्गाका लागि बयाना मात्रै गरिएको छ । तर, उक्त जग्गा नामसारी, पास भएर लालपुर्जा बैकुण्ठधाम समितिसंग आएकाे अबस्था छैन । बनाउने भनिएको धामका लागि करिब ६० कठ्ठा जमिन चाहिने कनाैडिया नै बताउँछन् ।
तर, उनी फेरि भन्छन २८ कठ्ठा जमिनका लागि मात्रै हामिले उधारो बयाना गरेका छाै । अरु जमिन कहाबाट आउछ अध्यक्ष कनाैडियालाई नै थाहा छैन । अनि कसरी बन्ला याे हचुवाकाे याेजना ?
जग्गा नै नभएको अबस्थामा समिति हचुवा रकम असुलीमा लागेकाे कुरा कनाेडियाकाे अन्तर्वार्ताले पनि छलङ्ग पारेकाे छ ।
शबदाहगृहका लागि समितिसंग जग्गा खरिद गर्ने समेत हैसियत नभएको अध्यक्ष कनाैडिया नै बताउँछन् । उनकाे अन्तर्वार्ता अनुसार याे याेजना सफल हुने सम्भावना कम देखिएकाे छ ।
उनका अनुसार अहिले सम्म नत डिपिआर बनेकाे छ, नत नक्शा बनेकाे छ नत लागत नै तय छ नत याेजना कहिले सक्ने प्लान नै छ । यसैले पनि बैकुण्ठ धाममा भाैकाल धेरै काम शुन्यमा छ भन्दा अन्था नहाेला । उनका अनुसार याे याेजनाकाे डिटेल प्लान अहिलेसम्म बनेकाे छैन ।
