नेपालगन्ज : बाँकेकाे राप्ती नदिस्थित सिधनियाघाटमा अत्याधुनिक शवदाहगृह निर्माणका लागि यतिबेला नेपालगन्जमा चर्चापरिचर्चा चलिरहेकाे छ ।
यसमा जसलिनका लागि केही व्यक्ति आफ्नाे धन्दापानिकाे समय बचाएर संग्रममा देखिएका छन ।शवदाहगृहका लागि कार्तिक २२ देखि ३० सम्म बैकुण्ठधाम अध्यात्मिक महाेत्सव सन्चालन गरिदैछ ।
यसका लागि महाेत्सव समाराेह समितिका सदस्य डाक्टर बद्री चापागाईंले हजुरबुबा स्व. हितलाल चपाईको स्मृतिमा ५ लाख ५५ हजार ५ सय ५५ रुपैयाँ नगद दान प्रदान गरेकाे सामाजिक सन्जालबाट सार्वजनिक भएकाे छ । यसका लागि उनी धन्यवादका पात्र छन ।
तर, सस्ताे लाेकप्रियता र चर्चाका लागि यस्ता धार्मिक कार्यमा दान स्वरुप चन्दा सहयाेग बाेल्ने नेपालमा प्रचलन रहिआएको छ । यस बिचमा यस्ताे कहिकतै कसैबाट नहाेस भन्ने नै चाहना हाे ।
महाेत्सवका नाममा यसरी दान उपलब्ध हुनुलाई सकारात्मक लिनुपर्छ । तर, यस्ताे दान चापागाईंले गरे जस्ताे नगदमा हुनपर्छ । याे बिचमा बाेल्ने तर, अन्तत बाेलेकाे पूरा नगर्ने वा उधाराे चर्चा बटुल्ने काम कहि कसैबाट हुन हुँदैन । यसमा जाेसुकै दानकर्ता पनि सचेत हुन जरुरी छ । किनकि बिगतमा यस्ताे उधारो खेती धेरै देखिएको छ ।
विगतमा बाँकेमै लगाइएका यस्ता धार्मिक महाेत्सवमा दान चर्चाका लागि धाेषणा गरिएका दान अहिलेपनि उधाराेकै सुचिमा देखिएका छन ।
हाैसियर, जाेशिएर, लहडमा दान घाेषणा गर्नुभन्दा थाेरै गराै, आफ्नाे क्षमताअनुसार गराै तर, दान उधाराे नगराै । याे धार्मिक महाेत्सवले सबैमा नगद दानकाे प्रेेरणाा दिओस ।
यस्ता कार्य चापागाईं जस्तै सहयोगी मनहरुको सहयोग,सदभाव र सुझाबबाटै सफल हुने र लक्ष्यमा पुग्ने हुन । यसमा हातेमालो गर्न जरुरी छ । तर, याे कार्य पुरा गर्दा हरेक गतिविधि र आर्थिकपक्षकाे सहि लेखाजोखा र पारदर्शिता जरुरी छ ।
