नेपालगन्ज : बाँकेकाे सदरमुकाम नेपालगन्जकाे मुटु त्रिभुवनचाेक यतिबेला कुरुप बनिसकेको छ । विभिन्न समयमा हुने पर्व, समाराेह र कार्यक्रमका निहुँमा चाेक आसपासमा यहाँका बुद्धिजीवी वर्गका अगुवाले नै व्यानर र पाेष्टर राख्ने गरेका छन ।
तर, यसरी राखिएका पाेष्टर कार्यक्रम समापनपछि आयाेजक र व्यक्तिले कसैले पनि हटाउन चासाे देखाउदैनन् ।
यसले बर्षाैसम्म ती व्यानर र पाेष्ट चाेकमा रहेका विजुलिका पाेल र तारमा झुन्डिरहेका छन । जसले एतिहासिक चाेक कुरुप बनेकाे छ ।
यसरी व्यानर र पाेष्टर राखेपछि हटाउनुपर्छ भन्ने मानसिकता नहुँदा चाेक आसपासका अगुवा नन्दलाल वैश्य, संन्जय वैश्य लगायतका व्यक्तिको प्रतिष्ठा र नैतिकता माथि समेत प्रश्न उठेकाे छ ।
नेपालगन्ज उपमहानगरपालिकाका मेयर लगायत जनप्रतिनिधि र सम्बन्धित वडापालिकाले समेत यसरी राखिएका व्यानर र पाेष्टर हटाई चाेकलाई कुरुपताबाट बचाउन चासाे देखाएको छैन ।
