नेपालगन्ज : मेयर प्रशान्त विष्ट लगायत नेपालगन्ज उपमहानगरपालिकाका जनप्रतिनिधिकाे उदासीनता र ठेकेदार कम्पनीको लापरबाहीले करोडौं मुल्यका मेसिन डम्पिङ साइडमा डम्प भैरहेका छन ।
हिरमपनियामा रहेकाे डम्पिङ साइडमा फाेहाेर व्यवस्थापनका लागि खरिद गरिएका करोडौं मुल्यका मेसिन प्रयाेग हुन नसक्दा आफै डम्प भैरहेकाे देखिएकाे छ । यी मेसिन प्रयाे गरे त्यहाँको फाेहाेर व्यवस्थापन गर्ने उपमहानगरपालिकाका जनप्रतिनिधिकाे ध्यान जान सकेकाे छैन ।
उपमहानगरपालिकाकाे उदासीनताले बहुउपयोगी ल्याण्डफिल साइट अस्तव्यस्त बनेको छ। कुहिने र नकुहिने बस्तु छुट्ट्याउन एसियाली बिकास बैंक (एडीबी) ले दिएको करोडौ पर्ने मेसिन प्रयोगबिहिन भएका छन्।
सड्ने बस्तुबाट कमपोष्ट मल बनाउन प्रयोग हुने मेसिन प्रयोग नहुँदा खिया लागेको छ। कुहिने र नकुहिने बस्तु एउटै ठाउँमा थुपार्दा उक्त्त क्षेत्र दुर्गन्धित बनेको छ ।
यहि बिषय उठान गर्न हिरमिनिया पुगेका पत्रकारलाई उपमहानगरपालिका कर्मचारीले समाचार संकलनमा राेक लगाउदै दुर्ववहार गरेका छन ।
त्यहाँ रहेका कर्मचारीले दुर्ववहार गरेकाे र उपमहानगरपालिकाकाे सरसफाइ महाशाखाका कर्मचारी प्रकाश डिसिले उपमहानगरपालिकाकाे लिखित अनुमति विना नमिल्ने भन्दै समाचार संकलनमा राेक लगाएकाे पत्रकार विश्वराज पछ्ल्ड्ङ्ग्याय बताउँछन् ।
